Thursday, November 20, 2008

ကျောင်းဆောက်လှူဒါန်းကြမည် .. ကုသိုလ်ပါဝင်နိုင်သည်။

မန္တလေးမြို့မှ စိတ္တသုခ ပရဟိတလူုငယ်များအနေနဲ့ ခြောက်လတစ်ကြိမ်
ပုံမှန်အလှူ လှူဒါန်းလျက်ရှိရာ ၂၀၀၉ ဇန်န၀ါရီလတွင်ကျရောက်မည့် ခြောက်လ
ပုံမှန်အလှူအတွက် ပုသိမ်ကြီးမြို့နယ်အတွင်းရှိ အောင်ချမ်းသာတောရကျောင်း
အား အသစ်ဆောက်လုပ် လှူဒါန်းရန် ရွေးချယ်သတ်မှတ်လိုက်ပြီဖြစ်သည်။

စိတ္တသုခ ပရဟိတလူငယ်များသည် မန္တလေးမြို့တွင် နေထိုင်ကြသော
သူငယ်ချင်းများအနေဖြင့် အလှူဒါနပြုလုပ်ရန်အတွက် တစ်လလျှင် ငွေကျပ်
တစ်ထောင်စီ စုဆောင်းပြီး ခြောက်လလျှင် တစ်ကြိမ်ကျ
လှူဒါန်းကြခြင်းဖြစ်သည်။

ထို့အပြင် သီးခြား အလှူများအဖြစ် မြစ်ငယ်ရေဘေး၊ မီးဘေးသင့်သူများ၊
နာဂစ်မုန်တိုင်းခံစားရသူများစသည့် သဘာဝဘေးအန္တရာယ် ကြုံတွေ့ရပါကလည်း
လှူဒါန်းခဲ့ကြသည်။

သီတင်းကျွတ်လပြည့်နေ့တွင် အောင်တော်မူဘုရား နှစ်ကျိတ်ရှစ်ဆူဘုရားရှေ့တွင်
နှစ်စဉ် ဆီမီးထွန်းပူဇော်ကြသည်။

ယခု နှစ်တွင် ပထမအကြိမ် စုပေါင်းဘုံကထိန်ပွဲကိုလည်း အောင်မြင်စွာ
ကျင်းပနိုင်ခဲ့သည်။

လစဉ်ခြောက်လ အလှူအဖြစ် ယခုအပတ်တွင် ပုသိမ်ကြီးမြို့နယ်
လိန်ပင်တိုးချဲ့ကျေးရွာအနီးရှိ အောင်ချမ်းသာ တောရကျောင်းအား ကျောင်းအသစ်
ဆောက်လုပ်လှူဒါန်းမည်ဖြစ်သည်။

အောင်ချမ်းသာ တောရကျောင်းသည် လက်ရှိအနေအထားတွင် ထရံကာ၊ ကပ်မိုး
နှစ်ခန်းxတစ်ခန်း ကျောင်းသာဖြစ်သည်။ ကပ်မိုးမှာ ကြယ်မြင်လမြင်ဖြစ်နေသည်။
ထို့အတူ ထရံများမှာလည်း ပေါက်ပြဲလျက်ရှိသည်။ အခင်းမှာ ကုတင်နှစ်လုံးကို
ခင်းထားပြီး ကျန်အပိုင်းတွင် ၀ါးကြမ်း ကို ခင်းထားသည်။

ထို့ကြောင့် ယခုအပတ်အလှူအဖြစ် အဆိုပါကျောင်းအား အလှူငွေပေါ်မူတည်ပြီး
ဆောက်လုပ်လှူဒါန်းသွားမည်ဖြစ်သည်။

လက်ရှိအားဖြင့် အလှူရှင်တစ်ဦးက အမိုးအတွက် မတည်လှူဒါန်းရာမှ
ဆက်လက်လှူဒါန်းကြရာ သွပ်မိုးအတွက် အလှူငွေ များလက်ခံရပြီးဖြစ်သည်။
နှစ်ခန်း၊ တစ်ခန်းခွဲ အဆောက်အအုံဆောက်လုပ်မည် ဟု ရည်မှန်းထားသည်။ အောက်ခံ
ကျင်တွယ် ကွန်ကရစ်တွင် သစ်မာ ငါးပတ်လည်တိုင်ထူပြီးလျှင် အလှူငွေ
ပေါ်မူတည်ပြီး ကြမ်းခင်းအား အချော၊ အကြမ်း ခင်းမည်ဖြစ်သည်။
ထို့အတူ အကာ အတွက်မှာလည်း အလှူရှင်ပေါ်မူတည်ပြီး ဆောက်လုပ်ရမည်ဖြစ်သည်။

ခန့်မှန်းကုန်ကျစရိတ်အဖြစ်

အမိုး ၃သိန်း

အကာ ထရံ ၂သိန်း

ပျဉ်ထောင် အကြမ်း ၅သိန်း၊ ပျဉ်ထောင်အချော ၈သိန်း

အခင်း ပျဉ်အကြမ်း ၅သိန်း၊ ပျဉ်အချော ၈သိန်း

တိုင်နှင့်လိုအပ်သည့်သစ် ၂တန်ခန့် ၈သိန်း

လက်သမားခနှင့်အခြားလိုအပ်မှုသုံး ၂သိန်း

ကုန်ကျမည် ဟု ခန့်မှန်းရသည်။

ထို့ကြောင့် အကြမ်းအားဖြင့် ကျောင်း အပြီးအစီး ၂၅သိန်းခန့် ကုန်ကျမည်ဖြစ်သည်။

ထို့ကြောင့် ပါဝင်လှူဒါန်းလိုပါက

cittasukha@gmail.com

uhteik@gmail.com

sayaba.mdy@gmail.com

များသို့ ဆက်သွယ်လှူဒါန်းနိုင်ပါတယ်။

ပထမအကြိမ် ကထိန်

ဒီနှစ်တော့ ကထိန်အလှူလုပ်ဖြစ်တယ် ...

စိတ္တသုခ ပရဟိတ လူငယ်များ၏ ပထမအကြိမ် စုပေါင်းမဟာဘုံကထိန်ကို နိုဝင်ဘာ ၈ရက်
နံနက် ၁၀နာရီ က ပုသိမ်ကြီးမြို့နယ် ရန်ကင်းတောင် အရှေ့ဘက်ရှိ အောင်ချမ်းသာ
တောရကျောင်းမှာ ကျင်းပပါတယ်။

ဦးစွာ သံဃာတော် ငါးပါးအား ဆွမ်းဆက်ကပ်လှူဒါန်းကြပြီးနောက် ကထိန်ရေစက်ချတရား
နာယူကြည်ညို ကြပါတယ်။

အဲဒီနောက် အောင်ချမ်းသာတောရ ဆရာတော် ထံသို့ ကထိန်လျာသင်္ကန်းကပ်လှူကြပြီး
ရေစက်ချ အနုမောဒနာခေါ်ဆိုကြပါတယ်။

စိတ္တသုခပရဟိတလူငယ်များစုပေါင်းပြီး အောင်ချမ်းသာတောရ ကျောင်းရှိ
ဆရာတော်နှစ်ပါးနှင့်ပင့်သံဃာသုံးပါးတို့အား စုစုပေါင်း ငွေကျပ်
၁၅သိန်းကျော်တန်ဖိုးရှိ လှူဖွယ် ပစ္စည်းများနှင့်ဝတ္ထုငွေများ
ဆက်ကပ်လှူဒါန်းပါတယ်။

၂၀၀၈ သီတင်းကျွတ်ဆီမီးထွန်း မှတ်တမ်းဓာတ်ပုံ

၂၀၀၈ သီတင်းကျွတ်ဆီမီးထွန်း မှတ်တမ်းဓာတ်ပုံ

ဓာတ်ပုံတွေအများအပြားတင်ချင်ပေမယ့် အင်တာနက်ကော်နက်ရှင်မကောင်းလို့ နှစ်ပုံပဲ အရင်တင်ပေးလိုက်တယ် ...

အဆင်ပြေရင် ထပ်တင်ပေးဦးမှာပါ ....

၂၀၀၈ သီတင်းကျွတ်ဆီမီးထွန်းကြတယ်

ဘုရားရှင်သည် မယ်တော်ဖြစ်ခဲ့ဖူးသောနတ်သားကို တာဝတိံသာနတ်ပြည်၌ အဘိဓမ္မာခုနှစ်ကျမ်းကို ဟောကြားတော် မူပြီးနောက် လူပြည်သို့ သက်ဆင်းတော်မူသည့် သီတင်းကျွတ်လပြည့်နေ့ညတွင် ဘုရားရှင် ဆင်းသက်ကြွမြန်း လာသည်ကို ရည်စူး၍ ဘုရားရှင်အား ပူဇော်သောအားဖြင့် ဆီမီးထွန်းကာ မီးထွန်းပွဲ ကျင်းပသော အစဉ်အလာသည် ရှေးဘိုးဘေများလက်ထက်ကပင် ရှိခဲ့ပါတယ်။

၎င်းအစဉ်အလာကို ဆက်လက်ထိန်းသိမ်းသောအားဖြင့် စိတ္တသုခ ပရဟိတလူငယ်များက နှစ်စဉ်နှစ်တိုင်း အောင်တော်မူဘုရားဝင်းအတွင်းရှိ နှစ်ကျိတ်ရှစ်ဆူဘုရားတန်စောင်းရှေ့တွင် ဆီမီးထွန်းညှိပူဇော်ကြရာ ယခုနှစ်တွင်လည်း ဆီမီး ၃၀၀၀ ထွန်းညှိပူဇော်ကြပါတယ်။ လူငယ် ၅၀ နီးပါးပါဝင်ကြပြီး နံနက်ပိုင်းအချိန်ကထည်းက ပုံဖော်ဆီးမီးထွန်းရန်အတွက် ပြင်ဆင်ကြပါတယ်။

ကြာပန်းပုံ၊ အပွင့်အခက်များ၊ ကန်တော့နေသောလက်ပုံ နှင့်အတူ စိတ္တသုခ၊ သတ္တ၀ါအပေါင်းစိတ်ချမ်းသာကြပါစေ ဆိုသောဆုတောင်းစာတမ်းကိုပါ ဆီမီးခွက်များဖြင့် ပုံဖော်ကာ ဆီမီးထွန်းကြပါတယ်။

ဘုရားဝင်းထဲမှာ လွန်ခဲ့တဲ့ သုံးလေးနှစ်လောက်ကထဲက ကြွေပြားတွေခင်းထားတော့ ဆီကြောင့် ချောလဲတတ်တာကြောင့် အခုနောက်ပိုင်းမှာ ဆီမီးထွန်းတာကို ခွင့်မပြုတာပဲ ဖယောင်းတိုင်မီးသာ ထွန်းရတယ်။ အချိန်ကြာကြာခံနိုင်အောင် ဖယောင်းတိုင် အတုတ်တွေကိုသုံးရတော့ ကုန်ကျ စရိတ်ပိုကုန်ပါတယ်။ ဒါပေမယ့်လည်း ကြာကြာအထွန်းခံတယ်။ မျက်စိပသာဒအတွက်ပေးစွမ်းနိုင်တယ်။ ကျွန်တော်တို့ ဆီမီးထွန်းတဲ့နေရာလေးမှာ လူအစည်းကားဆုံးပဲဗျာဟု စိတ္တသုခအဖွဲ့ဝင်တစ်ဦးကပြောကြားပါတယ်။

အောင်တော်မူ ဘုရားဝင်းအတွင်းမှာ စုစုပေါင်း ဆီမီးတစ်သောင်းနီးပါးလောက်ထွန်းညှိ ပူဇော်ကြပါတယ်။

လပြည့်နေ့ဖြစ်တာအညီ ဘုရားဖူးလာရောက်သူတွေလည်း အများအပြားရှိပြီး တိုးမပေါက်အောင်စည်ကားခဲ့ပါတယ်။

Sunday, June 8, 2008

စိတ္တသုခ ပရဟိတ လူငယ်များ ပုံမှန် အလှူ လှူဒါန်း

ယနေ့ အောင်မြင်စွာ လှူဒါန်းနိုင်ခဲ့ပါပြီ
 
ဆက်လက် ဖော်ပြပါမည်

Monday, May 19, 2008

မော်ကျွန်းကို လေ့လာရေးသွားသူများ ပြန်ရောက်ပြီ

စိတ္တသုခပရဟိတလူငယ်များမှ မော်လမြိုင်ကျွန်းမြို့သို့ ကွင်းဆင်းလေ့လာရေးသွားရောက်ခဲ့ကြရာ
ယနေ့ နံနက်ပိုင်းက မန္တလေးမြို့သို့ ပြန်လည်ရောက်ရှိလာပြီ ဖြစ်သည်။
စိတ္တသုခပရဟိတလူငယ်များအနေဖြင့် မော်လမြိုင်ကျွန်းဒေသသို့ သွားရောက်လေ့လာပြီး
ဆက်သွယ်ဆောင်ရွက်ခဲ့ရာ မော်လမြိုင်ကျွန်းတွင် မူလတန်းကျောင်းတစ်ခုအား
ပြန်လည်ဆောက်လုပ်ပေးရန် စိစဉ်ခဲ့ပါသည်။
မိမိတို့ တတ်နိုင်သည့် ဓနိမိုးသက်ကယ်မိုး၊ ထရံကာ အဆောက်အအုံကို ဆောက်လုပ်ပေးရမည်ဖြစ်ပါသည်။
ထိုထက်ပိုပြီး လှူဒါန်းချင်ပါသည်။
ထို့ကြောင့် ပါဝင်လှူဒါန်းပေးကြပါရန် နှိုးဆော်အပ်ပါသည်။

Monday, May 12, 2008

ဧရာဝတီတိုင်း မော်လမြိုင်ကျွန်းမြို့သို့ ကွင်းဆင်းလေ့လာဆက်သွယ်မည်

စိတ္တသုခ ပရဟိတလူငယ်များအနေဖြင့်
ဧရာဝတီတိုင်း မော်လမြိုင်ကျွန်းမြို့တွင်  ပြန်လည်တည်ဆောက်ရေးလုပ်ငန်းများတွင်
ပါဝင်လှူဒါန်းနိုင်ရန်အတွက် မန္တလေးမြို့မှ စိတ္တသုခပရဟိတလူငယ်အချို့
ယခု အပတ်အတွင်း မော်လမြိုင်ကျွန်းမြို့သို့ သွားရောက်ပြီး
ကူညီလှူဒါန်းနိုင်မည့် အခြေအနေများကို ကွင်းဆင်းလေ့လာကြည့်ရှုသွားမည်ဖြစ်ပါသည်။

လိုအပ်သည့်နေရာများကို စာရင်းပြုစုကာ
မော်လမြိုင်ကျွန်းမြို့မှ ကူညီပေးမည့်သူများနှင့်
ဆက်သွယ်မှုရယူသွားမည်ဖြစ်ပါသည်။

ထို့ကြောင့် လှူဒါန်းလိုသူများအနေဖြင့်
ပြန်လည်ထူထောင်တည်ဆောက်ရေးအတွက် ထည့်ဝင်လှူဒါန်းနိုင်ကြောင်း
အသိပေးနှိုးဆော်အပ်ပါသည်။

Wednesday, May 7, 2008

နာဂစ်မုန်တိုင်းဒဏ်ခံရသော ဒေသများအတွက် လှူဒါန်းရန်အစီအစဉ်

စိတ္တသုခပရဟိတလူငယ်များ၏ နာဂစ်မုန်တိုင်းဒဏ်ခံစားရသူများအတွက်

လှူဒါန်းမှုအစီအစဉ်များ

စိတ္တသုခပရဟိတလူငယ်များအနေဖြင့် နာဂစ်မုန်တိုင်းဒဏ်ခံစားရသည့်ဒေသများသို့

လှူဒါန်းနိုင်ရေး စီစဉ်ဆောင်ရွက်လျက်ရှ်ိပါသည်။

မုန်တိုင်းဒဏ်ခံစားရသော ဒေသများမှာ များစွာကျယ်ဝန်းလှသည့်အတွက်

မိမိတို့ တစ်နိုင်တစ်ပိုင် လှူဒါန်းမှုပြုနိုင်ရေးကိုသာ ရည်ရွယ်စီစဉ်လျက်ရှိပါသည်။

 

ပထမဦးစွာ ဧရာဝတီတိုင်း မော်လမြိုင်ကျွန်းမြို့သို့ လှူဒါန်းနိုင်ရေး စီစဉ်လျက်ရှိပါသည်။

မော်လမြိုင်ကျွန်းမြို့ရှိ အများနှင့်သက်ဆိုင်သည့် အဆောက်အအုံများ ပြန်လည်ထူထောင်ရေး

လုပ်ငန်းများကို ပါဝင်ကူညီဆောင်ရွက်ရန် ရည်ရွယ်ပါသည်။

အများနှင့်ဆိုင်သော (ဆေးရုံ၊ စာသင်ကျောင်း၊ စာကြည့်တိုက်၊ ဘုန်းတော်ကြီးကျောင်း)နေရာများကို

ကိုယ်တိုင်သွားရောက်ကြည့်ရှုကာ ပြန်လည် တည်ဆောက်နိုင်ရေး အလှူငွေပေးအပ်ခြင်း၊ ဆောက်လုပ်ရန်

စီစဉ်ပေးခြင်း၊ လိုအပ်သည်များကို ဆောင်ရွက်ပေးခြင်းများ ပြုလုပ်ရန် စီစဉ်လျက်ရှိပါသည်။

 

ရရှိသည့်အလှူငွေ ပမာဏပေါ်မူတည်ပြီး တိုးချဲ့ဆောင်ရွက်နိုင်ရေးဆောင်ရွက်မည်ဖြစ်ပါသည်။

မုန်တိုင်းဒဏ်ခံစားရသည့်သူများအား တိုက်ရိုက် လှူဒါန်းမှု ပြုလုပ်ရန် အစီအစဉ်ရှိသော်လည်း

မေလ တတိယပတ်လောက် အစောဆုံး သွားရောက်လှူဒါန်းနိုင်မည်ဖြစ်သောကြောင့်

ပါဝင်လှူဒါန်းလိုသူများအား ဖိတ်ခေါ်ပါကြောင်း . . . .

နာဂစ်မုန်တိုင်းဒဏ်ခံရသူများသို့ . . .

မေလ ၂ရက်နှင့်၃ရက်နေ့များတွင် တိုက်ခတ်သော

နာဂစ်မုန်တိုင်းဒဏ်ကြောင့် မြန်မာနိုင်ငံအောက်ပိုင်း ဒေသများတွင်

သေဆုံးခြင်း၊ ပျောက်ဆုံးခြင်း၊ ဒဏ်ရာရခြင်း၊ အိုးအိမ်ပျက်စီးခြင်းစသော

ပျက်စီးဆုံးရှုံးများခံစားရသည်ကို ကြားသိရပါသည်။

ထို့ကြောင့် ထိုသို့ ပျက်စီးဆုံးရှုံးမှုများ ခံစားရသူများနှင့်ထပ်တူ

စိတ္တသုခ ပရဟိတလူငယ်များကလည်း ၀မ်းနည်းကြေကွဲမိပါသည်။

 

စိတ္တသုခ ပရဟိတလူငယ်များအနေဖြင့်

မိမိတို့ တတ်နိုင်သမျှ ကူညီလှူဒါန်းသွားရန် ဆန္ဒရှိကြပါသည်။

 

နာဂစ်မုန်တိုင်းဒဏ်ခံစားရသူများနှင့်ထပ်တူ

ကြေကွဲဝမ်းနည်းမိပါကြောင်း မှတ်တမ်းတင်အပ်ပါသည်။

Wednesday, April 2, 2008

မမောနိုင် မပန်းနိုင် .....

ကိုယ်တိုင်ကိုယ်ကျပေးလှူကူညီကြပါတယ် ...

ဝိုင်းလို့ ၀န်းလို့

အလှူအတွက် ၀ိုင်းလို့ကူ

ထိန်ကုန်း နှင့် နတ်ဝင်း မီးဘေးအလှူ

စိတ္တသုခပရဟိတလူငယ်များအနေနဲ့ မီးဘေးကယ်ဆယ်ရေးအလှူအဖြစ်
ယနေ့ မွန်းလွဲ ၁နာရီက ပြည်ကြီးတံခွန်မြို့နယ် ထိန်ကုန်းရှိ မီးဘေးကယ်ဆယ်ရေးစခန်းမှာ သွားရောက်လှူဒါန်းခဲ့ကြပါတယ်။

ယနေ့လှူဒါန်းဖို့အတွက် အစီအစဉ်အနေနဲ့ ဆန်၊ ဆား၊ ဆပ်ပြာစတဲ့ နေ့စဉ်အသုံးအဆောင်များ လှူဒါန်းဖို့ပါ။
ကျွန်တော်တို့ဆီကို ဥရောပ-အာရှ မှ ဆက်သွယ်မှုဖြင့် ဆန်အိတ်များပါဝင်လှူဒါန်းမယ်လို့ သိရပါတယ်။
ဒါကြောင့် မီးဘေးကယ်ဆယ်ရေးစခန်းမှ တာဝန်ရှိသူများနဲ့ တိုက်ရိုက်တွေ့ဆုံပြီး ကိုယ်တိုင်ကိုယ်ကျခွဲဝေလှူဒါန်းခွင့်ရရှိရေး
ဆွေးနွေးခဲ့ပါတယ်
နှစ်ကြိမ်ဆွေးနွေးပြီး စခန်းသိမ်းမည့်ရက်ကို နောက်ဆုတ်ကာ တနင်္လာနေ့ မွန်းလွဲ ၁နာရီမှာ မီးဘေးသင့်ခံရသူများထံ တိုက်ရိုက်လှူဒါန်းခွင့်ရရှိခဲ့ပါတယ်။

ဒါကြောင့် ယနေ့ မွန်းလွဲ ၁နာရီမှာ
စိတ္တသုခပရဟိတလူငယ်များမှ ဆန် ၇အိတ်၊ အိုင်အိုဒင်းဆား၊ ဆပ်ပြာ၊ ခေါက်ဆွဲခြောက်ထုပ်၊ အ၀တ်အထည်များစသော တန်ဖိုးငွေကျပ် ၇သိန်းကျော်
ကရုဏာကောင်းကင် အဖွဲ့မှ ပဲအိတ် ၄အိတ် တန်ဖိုး ကျပ်တစ်သိန်းကျော်
ဥရောပအာရှမှ ငွေကျပ် ၁၀သိန်းခန့် တန်ဖိုးရှိသော ဆန်အိတ်များ
ကို စိတ္တသုခပရဟိတလူငယ်များက တာဝန်ယူပြီး မီးဘေးသင့်ခံရသူများလက်ဝယ် တစ်အိမ်ထောင်စုချင်း ဝေငှပေးနိုင်ခဲ့ပါတယ်။

ထို့အတူ စွမ်းအားလျှပ်စစ်မှ ဦးအောင်ဇော်ဝင်းနှင့်ရောင်းရင်းများက ငွေကျပ် ၃၅သိန်းနှစ်သောင်းကို တစ်အိမ်ထောင်စုလျှင် ၈ထောင်ကျပ်နှုန်းဖြင့် ဝေငှပေးလှူဒါန်းခဲ့ပါတယ်။

စိတ္တသုခပရဟိတလူငယ်များနဲ့အတူ ကရုဏာကောင်းကင် အဖွဲ့သားများလည်း ချွေးတလုံးလုံးဖြင့် ပါဝင်လို့ ဆောင်ရွက်ကြတာ ပျော်စရာပါပဲ။
ချွေးစက်များထက် ပီတိက ပိုနေကြပါတယ်။
ဆန်သုံးပြည်စီနဲ့အတူ လှူဒါန်းတဲ့ပစ္စည်းများကို အိတ်များနဲ့ခွဲထုတ်ရတာပါ
အထုပ်ပေါင်း ၄၄၀ထုပ်ရတာဆိုတော့
ဆန်က ထွက်တဲ့ အမှုန်းများနဲ့ လူတွေလဲ ဖွေး၊ နေကလည်းပူ၊ ချွေးကလည်းထွက်နဲ့
အားလုံး ပျော်ပျော်ပါးပါး လုပ်ကြ ကိုင်ကြ ၀ိုင်းကြ သိုင်းကြတာ
ကျေနပ်သလို
လှူဒါန်းခွင့်ရရေး ပါဝင်ဆောင်ရွက်ပေးတဲ့ ဒေသခံ အဖွဲ့အစည်းများ၊ တာဝန်ရှိသူများအားလုံးကိုလည်း ကျေးဇူးတင်ရှိရပါတယ်။

မီးဘေးကယ်ဆယ်ရေးအတွက် ထိန်ကုန်းကအပြန် နတ်ဝင်းမီးလောင်မှုအတွက်လည်း ၀င်ရောက်လှူဒါန်းခဲ့ကြရတဲ့အတွက်
၁ရက်မှာ နှစ်နေရာ လှူဒါန်းနိုင်ခဲ့ပါတယ် .....။

Thursday, March 27, 2008

တောင်းပန်ခြင်း

စိတ္တသုခ-ပရဟိတလူငယ်ရဲ့ Blog ကို လာလည်တဲ့သူအပေါင်း စိတ္တသုခ နဲ့
ပြည့်စုံပါစေလို့ ဆုတောင်းပါတယ် ...
စက်တင်ဘာလ ၂၀၀၇ မှာ အင်တာနက် ပြတ်တောက်သွားပြီးနောက်ပိုင်း Blogger ကို
ဖွင့်မရခဲ့လို့ ကျွန်တော်တို့ရဲ့ လှုပ်ရှားမှုတွေကို Post မတင်ခဲ့ဖြစ်ဘူး
.....
စိတ္တသုခ-ပရဟိတလူငယ်ရဲ့ ခြောက်လတစ်ကြိမ်အလှူကို ပုံမှန်ဆောင်ရွက်နေပါတယ် .....
၂၀၀၈ ဇန်န၀ါရီလက မုံရွာတစ်ဖက်ကမ်းက ဆားလင်းကြီး ပရဟိတကျောင်းနဲ့
မုံရွာဘိုးဘွားရိပ်သာမှာ သိန်းနှစ်ဆယ်ကျော် သွားရောက်လှူဒါန်းခဲ့ကြပါတယ်
....
၂၀၀၈ ဖေဖော်ဝါရီလထဲမှာ ကိုရီးယားရောက် မန္တလေးသာညီအစ်ကိုများနဲ့
စင်ကာပူရောက် မန္တလေးသူညီအစ်မများရဲ့ အလှူကို
ပြည်လုံးချမ်းသာပရဟိတကျောင်းမှာ လုပ်ပေးခဲ့ပါတယ် ....
ယခု မတ်လ(၂၃)ရက်နေ့ မီဘေးသင့်ခံရတဲ့ မိသားစု ၄၆၁ စုကို
တတ်နိုင်သလောက်ကူညီပေးဖို့ ဆောင်ရွက်နေပါတယ် ..... မတ်လ(၃၀)မှာ
သွားရောက်လှူဒါန်းဖို့ စီစဉ်ထားပါတယ် ...
တတ်နိုင်သလောက်ပါဝင်ကူညီနိုင်ပါတယ် .....
အသေးစိပ်အချက်အလက်များနဲ့ ဓာတ်ပုံများကို တင်ပေးပါဦးမယ် .......

ခင်မင်လေးစားလျက် ...
စိတ္တသုခ-ပရဟိတလူငယ်