Sunday, July 24, 2011

ဒုတိယအကြိမ် စုပေါင်းသွေးလှူဒါန်းခြင်း


၂၄-၇-၂၀၁၁ တနင်္ဂနွေနေ့ မနက် ၉ နာရီက စပြီး မန္တလေးမြို့ ၆၂ လမ်းပေါ်က ကုတင် ၃၀၀ ဆန့် သင်ကြားရေးဆေးရုံကြီး သွေးလှူဘဏ်မှာ ဒုတိယအကြိမ် စုပေါင်းသွေးလှူဒါန်းကြပါတယ်။

Saturday, July 23, 2011

ဒုတိယအကြိမ် စုပေါင်းသွေးလှူဒါန်းကြမယ်

25-7-2011 တနင်္ဂနွေနေ့ မနက် ၉ နာရီ မန္တလေး ၆၂ လမ်း၊ ကုတင် ၃၀၀ သင်ကြားရေးဆေးရုံမှာ စုပေါင်းသွေးလှူဒါန်းကြမယ်။ လှူဒါန်းလိုသူများ ဆေးရုံကိုအရောက် လာလှူပေးရန်ဖြစ်ပါတယ်။

Tuesday, June 14, 2011

စိတ္တသုခ ပရဟိတလူငယ် ၁၂ ကြိမ်မြောက် အလှူဓာတ်ပုံမှတ်တမ်း (၁)

စိတ္တသုခ ပရဟိတလူငယ် ၁၂ ကြိမ်မြောက် အလှူဓာတ်ပုံမှတ်တမ်း (၁)

Monday, June 13, 2011

၁၂ ကြိမ်မြောက်အလှူ အောင်မြင်စွာ လှူဒါန်းပြီးစီး

၁၂ ကြိမ်မြောက်အလှူကို ဇွန်လ ၁၂ ရက်နေ့က ပခုက္ကူမြို့ ၁၅ ရပ်ကွက် ခုနစ်အိမ်တန်း အနာကြီးရောဂါသည်များရိပ်သာမှာ သွားရောက်လှူဒါန်းခဲ့ကြပြီးဖြစ်ပါတယ်။
ကျပ်သိန်း ၂၀ ကျော်ဖိုးလှူဒါန်းနိုင်ခဲ့ပြီး လျှပ်စစ်မီးသွယ်တန်းနိုင်ရေးအတွက် အလှူငွေ ခြောက်သိန်းကျပ် ထည့်ဝင်လှူဒါန်းခဲ့ပါတယ်။

ခြောက်လတစ်ကြိမ် လိုအပ်နေရာတွေမှာ လှူဒါန်းလျက်ရှိတဲ့ စိတ္တသုခ ပရဟိတလူငယ်များရဲ့ ၁၂ ကြိမ်အလှူ ကို ဇွန်လ ၁၂ ရက်နေ့က ပခုက္ကူမြို့ ၁၅ ရပ်ကွက်အနီးရှိ ခုနစ်အိမ်တန်းအနာကြီးရောဂါသည်များရိပ်သာမှာ သွားရောက်လှူဒါန်းကြပါတယ်။ ခုနစ်အိမ်တန်းအနာကြီးရောဂါသည်များရိပ်သာမှာ အိမ်ထောင်စု ၂၈ စု ၊ လူဦးရေ ၁၀၀ ကျော်နေထိုင်ပါတယ်။ တက္ကသိုလ်အပါအ၀င် သူငယ်တန်းမှ အထက်တန်းထိ အတန်း အသီးသီး ကို တက်ရောက်ပညာသင်ယူနေကြတဲ့ ကျောင်းသူကျောင်းသား ၂၅ ယောက်ရှိပါတယ်။ ရိပ်သာမှာ ဓမ္မာရုံ၊ စာကြည့်တိုက်၊ ဆေးပေးခန်းတို့ရှိပြီး အ၀ိစိရေတွင်းမှ ရေစုပ်စက်နဲ့ ရေကိုလုံလောက်စွာ ပေးဝေနိုင်ပါတယ်။

အိမ်ထောင်စုတစ်စုကို စတီးအိုးအရွယ်စုံ ၅ လုံး၊ စတီးဖလား ၂ လုံး၊ စတီးသောက်ရေခွက် ၁ ခွက်၊ ဂွမ်းစောင် ကြီး ၁ ထည်၊ အ၀တ်အစားမျိုးစုံ၊ ဆပ်ပြာမှုန့်ထုတ်၊ ခေါင်းလျှော်ရည်၊ ခေါက်ဆွဲခြောက်၊ မုန့်မျိုးစုံတို့ကို လှူဒါန်း ကြပါတယ်။ အသက် ၆၀ အထက် အဖိုးအဖွားများအတွက် သီးသန့် စောင်အပါးတစ်ထည်စီနဲ့ အသုံးအဆောင် များ၊ ၃ နှစ်အောက်ကလေးများအတွက်ကိုလည်း သီးသန့်လှူဒါန်းကြပါတယ်။ ကျောင်းတက်လျက်ရှိတဲ့ ကျောင်းသူကျောင်းသားများအတွက် ကျောင်းအပ်နှံခြင်းအတွက် အကူအညီများပေးတဲ့အပြင် လွယ်အိတ်၊ ဗလာစာအုပ်၊ ခဲတံ၊ ခဲဖျက်၊ ပေတံ၊ ကွန်ပါဘူး၊ ကျောင်းဝတ်စုံများကို လှူဒါန်းပါတယ်။ ကံစမ်းမဲစနစ်နဲ့ အင်္ကျီ၊ ကျောင်းအသုံးအဆောင်ပစ္စည်းများကို မဲဖောက်ပေးပါတယ်။

လျှပ်စစ်မီးရရှိရေးအတွက် အလှူငွေ ၆ သိန်းကို လည်းလှူဒါန်းပါတယ်။ ပခုက္ကူမြို့က ဆယ်တန်းကျောင်းသားတွေကို နေထိုင်စားသောက်ရေးနဲ့ ပညာဒါနပြု နေတဲ့ သန္တိသုခ ပရဟိတ ကျောင်းကို ငွေကျပ်တစ်သိန်း ငွေပဒေသာပင်စိုက်ထူကြပါသေးတယ်။ သန္တိသုခ ပရဟိတကျောင်းက သုံးနှစ်ဆက်တိုက် ရာနှုန်းပြည့်အောင်ချက်ကောင်းခဲ့ပြီး ဂုဏ်ထူးရှင်များစွာ မွေးထုတ်ပေး နိုင်ခဲ့ပါတယ်။

စိတ္တသုခပရဟိတလူငယ်များရဲ့ ၁၂ ကြိမ်မြောက် ခြောက်လပတ်ပုံမှန်အလှူ ပခုက္ကူခရီးစဉ်မှာ မန္တလေးမြို့က ဦးအုန်းငွေ (လူနဲ့လူ)၊ ပခုက္ကူမြို့က ဦးခင်မောင်မြင့်၊ တောမြိုင်သား သစ်ပင်စိုက်အဖွဲ့က အလှူမှာ အဆင်ပြေ ချောမွေ့ စေဖို့ ကိုယ်ရောစိတ်ပါ ပါဝင်ကူညီကြပါတယ်။ စိတ္တသုခ ပရဟိတလူငယ် ၃၀ နီးပါးက သွားရောက်လှူဒါန်းကြပြီး အလှူအပြီးမှာ ပခုက္ကူမြို့က သီဟိုဠ်ရှင်ဘုရား၊ ရွှေကူကြီးဘုရားနဲ့ ဒေသန္တရ ဗဟုသုတရရှိစေဖို့ သွားရောက်ကြပါတယ်။

Sunday, May 22, 2011

၁၂ ကြိမ်အလှူကို ဇွန်လ ၁၂ ရက်နေ့မှာ လှူကြမယ်

ခြောက်လတစ်ကြိမ် ပုံမှန်လှူနေတဲ့ စိတ္တသုခ-ပရဟိတလူငယ်များက ၂၀၁၁-ခုနှစ် ဇွန်လ ၁၂ ရက်နေ့ကမှာ ၁၂ ကြိမ်မြောက်အလှူကို ပခုက္ကူမြို့ ၁၅ ရပ်ကွက် အနီး က ခုနစ်အိမ်တန်း အနာကြီးရောဂါသည်ရိပ်သာမှာ သွားရောက်လှူဒါန်းကြမှာပါ။ ရိပ်သာမှာ အနာကြီးရောဂါသည် အိမ်ထောင်စု ၂၈ စုရှိပြီး လူဦးရေ ၁၀၀ ကျော် နေထိုင်ကြပါတယ်။ အနာကြီးရောဂါသည် ၁၉ ယောက်သာရှိပြီး ချို့ယွင်းလူနာ ၁၃ ယောက်နဲ့ ဆေးစားပြီး မချို့ယွင်းလူနာ ၆ ယောက်ရှိပါတယ်။

ကျောင်းတက်နေတဲ့ ကလေး ၂၅ ယောက်ရှိပြီး တက္ကသိုလ်တက်နေတာ ၁ ယောက်၊ အထက်တန်း ၁ ယောက်၊ အလယ်တန်း ၄ ယောက်၊ မူလတန်း အယောက် ၂၀ ရှိပါတယ်။ ကျွန်တော်တို့ စိတ္တသုခ ပရဟိတလူငယ်များအနေနဲ့ ကျောင်းတက်မယ့်ကလေး အားလုံးအတွက် မဖြစ်မနေကျောင်းတက်နိုင်ရေးအတွက် ကျောင်းဝင်ကြေးကစလို့ စာရေးကိရိယာ တွေလှူဒါန်းပါမယ်။ အိမ်ထောင်စု ၂၈ စုအတွက် ဆေးဝါး၊  အစား အသောက်၊ အ၀တ်အစား၊ အသုံးအဆောင်တွေကို လှူဒါန်းကြမှာပါ။

ရိပ်သာမှာ  စာကြည့်တိုက်၊ ဆေးခန်းတည်ဆောက်နေပါတယ်။ လျှပ်စစ်မီးရရှိရေးအတွက် လည်း ကြိုးပမ်းနေတာ လျှပ်စစ်မီးသွယ်တန်းခွင့်ရရှိထားပြီဖြစ်သော်လည်း လျှပ်စစ် မီးသွယ်တန်းဖို့အတွက် ကုန်ကျစရိတ်များလိုအပ်နေတယ်လို့သိရပါတယ်။

အထီးကျန်ဆန်တဲ့ အနာကြီးရောဂါသည်မိသားစုတွေကို ကျွန်တော်တို့ စိတ္တသုခ ပရဟိတလူငယ်များက ၁၂ ကြိမ်မြောက် ပုံမှန် ခြောက်လပတ် အလှူမှာ လူသား ခြင်းစာနာပြီး အနာကြီးရောဂါသည်မိသားစုဝင်များကို နွေးထွေးမှုတွေပေးပြီး တတ် နိုင်တဲ့ ကူညီမှုတွေပေးမှာဖြစ်လို့ ကျွန်တော်တို့နဲ့အတူ ပါဝင်ကူညီလှူဒါန်းနိုင်တယ် လို့ ကုသိုလ်ရေးမို့ လက်မနှေးဖို့ လက်တို့ပါရစေဗျာ ....... ။

Monday, May 16, 2011

ကဆုန်လပြည့်နေ့မှာ စတုဒီသာ တိုက်ကျွေးမယ်

စိတ္တသုခ ပရဟိတလူငယ်များက ကဆုန်လပြည့်နေ့မှာ
စတုဒီသာ အအေးတိုက်ကျွေးဖို့ အစီအစဉ် ရှိပါတယ် ..
နေရာက မန္တလေး အောင်တော်မူဘုရားမှာပါ ...

Thursday, January 13, 2011

၉ ရက်နေ့ သွေးလှူတုန်းက မှတ်တမ်းဓာတ်ပုံ

၅ နှစ်ပြည့် အထိမ်းအမှတ် သွေးလှူတုန်းက မှတ်တမ်းဓာတ်ပုံ (၉-၁-၂၀၁၁)

Wednesday, January 12, 2011

စုပေါင်းသွေးလှူကြပါတယ် ....

ဇန်န၀ါရီလ ၉ ရက်နေ့ မနက်ပိုင်းက
မန္တလေးမြို့ ၆၂ လမ်းက ကုတင် ၃၀၀ ဆံ့သင်ကြားရေးဆေးရုံ သွေးလှူဘဏ်မှာ
စိတ္တသုခပရဟိတလူငယ်များ စုပေါင်းသွေးလှူကြပါတယ် ....

ရွှေမြန်မာ ဂျာနယ်မှာပါတဲ့ စိတ္တသုခ ပရဟိတလူငယ် ၅ နှစ်ပြည့် အလှူသတင်းပါ

ရွှေမြန်မာ ဂျာနယ်မှာပါတဲ့ စိတ္တသုခ ပရဟိတလူငယ် ၅ နှစ်ပြည့် အလှူသတင်းပါ

VENUS ဂျာနယ်မှာပါတဲ့ သတင်းပါ

VENUS ဂျာနယ်မှာပါတဲ့ စိတ္တသုခ ပရဟိတလူငယ် ၅ နှစ်ပြည့် အလှူသတင်းပါ

Wednesday, January 5, 2011

စိတ္တသုခ ၅ နှစ်ပြည့် အလှူ အောင်မြင်စွာ ကျင်းပပြီးစီး

သတ္တ၀ါအပေါင်း စိတ်ချမ်းသာစေဖို့ ကူညီပေးနေတဲ့ စိတ္တသုခ ပရဟိတလူငယ်ရဲ့ ၅နှစ်ပြည့် ၁၁ ကြိမ် မြောက် ခြောက်လတစ်ကြိမ်ပုံမှန်အလှူကို ဇန်န၀ါရီလ ၄ ရက် (လွတ်လပ်ရေးနေ့)က ပရဟိတသာသနာ ပြုဆရာတော် ဘဒ္ဒန္တပညာသာရ ဦးစီးတည်ထောင် ထားတဲ့ မန္တလေးမြို့၊ ပြည်ကြီးတံခွန်မြို့နယ်၊ ချမ်းမြ သာယာရပ်၊ ကျွဲဆည်ကန် သံလမ်းဘေးရှိ  မဟာ ၀ိဇိတာရာမတိုက် ပရဟိတသာသနာ့ဝန်ဆောင် ကျောင်းမှာ နေထိုင်စားသောက်ပညာသင်နေကြတဲ့ မိဘမဲ့ကလေးများကို အဟာရဒါနအလှူ၊ ကျန်းမာရေးအလှူများပြုလုပ်ဆောင်ရွက်ကြပါတယ်။
 
မနက် ၈ နာရီမှာ တကိုယ်ရေကျန်းမာရေး စစ်ဆေး မှုများကို ဆရာဝန်များဖြစ်တဲ့ ဒေါက်တာရဲမြင့်၊ ဒေါက်တာ ရန်နောင်အေး၊ ဒေါက်တာထွန်းထွန်းနောင်း၊ ဒေါက်တာနှင်းသီတာချို တို့ဦးဆောင်ပြီး စစ်ဆေးပေးပါ တယ်။
 
မနက် ၉း၃၀ နာရီမှာ လှူဒါန်းမှု အစုစု အတွက် ရေစက်ချ တရားနာပါတယ်။ အဲဒီနောက်မှာတော့ သံဃာတော်များကို ဆွမ်းကပ်လှူကြပြီး ဖိတ်ကြားထားတဲ့ ဧည့်သည်တော်များကို ရှမ်းမလေးက မှာယူ ထားတဲ့ ကြက်ဆီထမင်းနဲ့ နေ့လည်စာ တည်ခင်းဧည့်ခံပါတယ်။
 
နေ့ခင်းပိုင်းမှာ စိတ္တသုခပရဟိတလူငယ် များက အနွေးထည်၊ ခြေအိတ်၊ အ၀တ်အစားများ၊ ဆပ်ပြာ၊ မုန့်မျိုးစုံတို့ကို တစ်ဦးခြင်းဝေငှလှူဒါန်း ကြပါ တယ်။
 
Shells Entertainment က အလှူငွေငါးသောင်း၊ Gold Medal မုန့်တိုက်က ၃ ပေ x ၄ ပေ ရှိ ကိတ်မုန့်ကြီးတစ်လုံး၊ ရွှေအိုးပြည့် ဆန်ဆိုင်က တစ်တင်းခွဲဝင်ဆန်အိတ်ငါးပိုင်း ပါဝင်လှူဒါန်းကြပါသေးတယ်။
 
ညနေပိုင်းမှာ ကာတွန်း ဆရာ လေရူး၊ ကာတွန်းဆရာဝေယံ တို့က ကယ်လီဂေးချားပန်းချီပုံများရေးဆွဲပေးပါတယ်။ ဖျော်ဖြေရေး အစီအစဉ်များလည်း ပါဝင်ရာ O2 Dancer အဖွဲ့၊ မော်ဒယ်သရုပ်ဆောင် မြယုဝေ တို့က အကအလှများနဲ့ ဖျော်ဖြေပြီး ပျော်ရွှင်ဖွယ်ရာ ဂိမ်းများကို ကစားကြပါတယ်။
 
ပရဟိတသာသနာ့ ၀န်ဆောင်ကျောင်းမှာ သံဃာတော် ၇ ပါး၊ ကိုရင် ၆၆ ပါး၊ ကျောင်းသား ၇ ယောက် နဲ့ ကျောင်းသူ ၃၂ ယောက်ရှိပါတယ်။ အားလုံးက ကျောင်းအိပ်ကျောင်းစား ဖြစ်ပြီး သူငယ်တန်းက လေးတန်းထိကိုတော့ ဘုန်းကြီးကျောင်း မှာပဲ ဘ/က ပညာရေးသင်ကြားကာ ငါးတန်းက တက္ကသိုလ်ထိကိုတော့ သက်ဆိုင်ရာ ကျောင်းများမှာ ပညာသင်ကြားစေပါတယ်။
 
ဆရာတော်က ကလေးတွေရဲ့ ပညာရေးကို ဦးစားပေး ဆောင်ရွက်ပေး လျက်ရှိကာ ကျန်းမာရေးအတွက် ဆေးဝါးဓာတ်စာနဲ့ အားကစားပစ္စည်းများ လိုအပ်ချက် တွေရှိနေ ပါတယ်။ ဆွမ်းစားဆောင်မှာပဲ ကလေးတွေ ညအိပ်ရတာမို့ အိပ်ဖို့ နေရာထိုင်ခင်းလည်းလိုအပ် နေပါ တယ်။ လိုအပ်ချက်တွေဖြည့်ဆည်းပေးချင်တယ်ဆိုရင် စိတ္တသုခပရဟိတလူငယ်များဖြစ်တဲ့ ကိုမန်းမောင် (၀၂-၉၁၀၂၈၂၁၇) ၊ ကိုမောင်ဦး (၀၉-၂၀၂၀၀၉၈)၊ ကိုကျော်မင်းဦး(၀၂-၉၁၀၂၇၁၄၇)၊ ကိုဘဦး(၀၉-၂၀၂၇၅၇၄)တို့ကို ဆက်သွယ် လှူဒါန်းနိုင်ပါတယ်။

Tuesday, January 4, 2011

အလှူကိုဖိတ်ခေါ်ပါတယ်

လွတ်လပ်ရေးမှာကျင်းပမယ့် စိတ္တသုခ ပရဟိတလူငယ်တွေရဲ့ ၅ နှစ်မြောက်အလှူတော်ကို ဖိတ်ခေါ်ပါတယ် ........